Category Archives: cursos y charlas
Presentación de “Os Megatoxos e o dragón de xade”, publicado por Xerais, en Pontevedra, no Culturgal. Unha feira de industrias creativas que sorprende e agrada tanto aos visitantes como aos que participamos nela. Parabéns, e ata a próxima, amigos.
Preséntovos uns novos materiais didácticos que elaborei para Oxford Educación e que se publicaron neste ano 2014.
Trátase dunha recompilación das propostas educativas que fixen no seu momento para o proxecto globalizado Alethea, e que agora poden ser utilizadas por separado. É un material complementario para a aula moi útil que parte da premisa de que a creatividade non só é algo que se poida aprender, senón que é necesario que todos a utilicemos, xa sexa nos nosos traballos ou na nosa vida. Nestes tempos de cambio é necesario dotar aos nosos nenos do maior numero de habilidades e recursos á hora de afrontar os novos problemas que se atoparán no futuro. A sociedade móvese e avanza, polo tanto a educación tamén debe facelo con ela. A flexibilidade e capacidade de enfrontarse a novos desafíos preséntese ante nós como unha necesidade no século que empeza. É por isto que se recomenda o desenvolvemento da creatividade desde os primeiros anos.
Está dispoñible en español, catalán e valenciano, e acompáñase dunha proposta didáctica para aproveitar os contidos do libro do alumno.
Máis información en Oxford infantil.
Este é un video que fixeron o o Ceip Graxal con motivo do meu visitaen a que lles falei do libro “A chave dá Atlántida”. Ganador do premio Melín (2011) e do Frei Martín Sarmiento (2012) e que xa leva catro edicións.
Grazas, polo voso agarimo.
Hoxe estiven no colexio Salesianos de Vigo para falar dun dos meus libros da saga Os Megatoxos.
Estivemos intercambiando ideas, debuxos e palabras sobre “Os Megatoxos e o aprendiz de druída” que recentemente chegou á súa segunda edición na editorial Xerais.
¡Grazas amigos! Verémonos pronto.
Seguimos coas vistas a colexios. Hoxe estiven de visita no Celso Emilio Ferreiro de Vigo.
Pasounos o tempo voando, e iso que estivemos case dúas horas a falar dos Megatoxos e as súas diferentes aventuras.
¡Grazas por ler Os Megatoxos!
Mañá pola noite sobre as 9:30, participarei nun evento de ilustración similar ao Pechakucha. Falarei dunha colección nova de libros na que estiven traballando: O xardín de Alethea para a editorial Oxford University Press.
Celebrarase en Vigo, no local “Detrás do Marco”.
Espero vervos por alí e que nolo pasemos moi ben neste formato tan interesante.
-
- taller ilustración creativa 2
-
- taller ilustración creativa 4
-
- taller ilustración creativa 1
-
- taller ilustración creativa 3
Hoxe paseino xenial cos nenos de 5 anos do EEI Milladoiro. Tivemos que dividirnos en tres grupos, pois en total eran máis de cen.
O resultado dos talleres non puido ser máis satisfactorio, e nas fotos poderedes ver que non minto 
Encántame poder potenciar a creatividade nos máis pequenos, xa que é unha parte esencial da educación á que ás veces non se lle presta demasiada atención.
Outra vez na estrada de mans do programa “Ler conta moito” ata O Vicedo.
Esta vez realizarei un taller de ilustración e creatividade ao redor da figura dos Pelelliños, que son uns divertidos personaxes que aparecen nos meus libros. Os destinatarios son pícaros de de 4 a 6 anos.
Seguro que saen unhas creacións sorprendentes de mans dos asistentes.
Hoxe estiven de visita en terras de Lugo para facer unha charla sobre os Megatoxos e uns talleres de ilustración creativa.
Un abrazo a mestres e alumnos do Ceip Frei Luís de Granada en Sarria, e outro para o Ceip eduardo Cela Vila de Triacastela.
Espero volver vervos pronto.